उस जन्नत की शान, जिस का वादा डर रखने वालों से किया गया है, यह है कि ऐसे पानी की नहरें होगी जो प्रदूषित नहीं होता। और ऐसे दूध की नहरें होंगी जिस के स्वाद में तनिक भी अन्तर न आया होगा, और ऐसे पेय की नहरें होंगी जो पीने वालों के लिए मज़ा ही मज़ा होंगी, और साफ़-सुधरे शहद की नहरें भी होंगी। और उन के लिए वहाँ हर प्रकार के फल होंगे और क्षमा उन के अपने रब की ओर से - क्या वे उन जैसे हो सकते हैं, जो सदैव आग में रहने वाले हैं और जिन्हें खौलता हुआ पानी पिलाया जाएगा, जो उन की आँतों को टुकड़े-टुकड़े करके रख देगा?
جنت کی مثال جس کامتقیوں سے وعدہ کیا گیا ہے اس میں پانی کی نہریں ہیں جو بدلنے والا نہیں اور دودھ کی نہریں ہیں جس کا مزہ تبدیل نہیں ہوااور شراب کی نہریں ہیں جوپینے والوں کے لیے لذیذہیں اورخوب صاف کیے ہوئے شہدکی نہریں ہیں اوراُن کے لیے اس میں ہرطرح کے پھل ہیں اوراُن کے رب کی طرف سے بخشش ہے، کیاوہ اُس کی طرح ہیں جوآگ میں ہمیشہ رہنے والاہے؟اوراُن کوگرم کھولتا ہوا پانی پلایا جائے گاتووہ اُن کی آنتیں ٹکڑے ٹکڑے کرکے رکھ دے گا۔
اس جنت کی مثال جس کا متقیوں سے وعدہ کیا گیا ہے ، یہ ہے کہ اس میں نہریں ہوں گی پانی کی جس میں ذرا بھی تغیر نہ ہوا ہوگا ، اور نہریں ہوں گی دودھ کی جس کا ذائقہ تبدیل نہ ہوا ہوگا اور نہریں ہوں گی شراب کی جو پینے والوں کیلئے یکسر لذت ہوں گی اور نہریں ہوں گی صاف شفاف شہد کی اور اس میں ان کیلئے ہر قسم کے پھل بھی ہوں گے اور ان کے رب کی طرف سے مغفرت بھی ۔ ( کیا یہ لوگ جن کو یہ نعمتیں حاصل ہوں ) ان لوگوں کی مانند ہوں گے جو ہمیشہ دوزخ میں رہنے والے ہیں اور جن کو اس میں گرم پانی پلایا جائے گا ، پس وہ ان کی آنتوں کو ٹکڑے کرکے رکھ دے گا؟
وہ جنت جس کا پرہیزگاروں سے وعدہ کیا گیا ہے اس کی صفت یہ ہے کہ اس میں ایسے پانی کی نہریں ہیں جس میں تغیر نہیں ہوتا اور ایسے دودھ کی نہریں ہیں جس کا مزہ نہیں بدلتا اور ایسے شراب کی نہریں ہیں جو پینے والوں کے لئے لذیذ ہے اور ایسے شہد کی نہریں ہیں جو صاف شفاف ہے اور ان کیلئے وہاں ہر قسم کے پھل ہیں اور ان کے پروردگار کی طرف سے بخشش ہے کیا ایسے ( پرہیزگار ) لوگ ان لوگوں جیسے ہو سکتے ہیں جو ہمیشہ دوزخ میں رہیں گے اور ان کو ایسا گرم پانی پلایا جائے گا جو ان کی آنتوں کو ٹکڑے ٹکڑے کر دے گا ۔
پرہیز گاروں کے لیے جس جنت کا وعدہ کیا گیا ہے اس کی شان تو یہ ہے کہ اس میں نہریں بہہ رہی ہوں گی نتھرے ہوئے پانی کی 20 ، نہریں بہہ رہی ہوں گی ایسے دودھ کی جس کے مزے میں ذرا فرق نہ آیا ہو گا21 ، بہترین بہہ رہی ہوں گی ایسی شراب کی جو پینے والوں کے لیے لذیذ ہوگی22 ، نہریں بہہ رہی ہوں گی صاف شفاف شہد کی23 ۔ اس میں ان کے لیے ہر طرح کے پھل ہوں گے اور ان کے رب کی طرف سے بخشش24 ۔ ( کیا وہ شخص جس کے حصہ میں یہ جنت آنے والی ہے ) ان لوگوں کی طرح ہو سکتا ہے جو جہنم میں ہمیشہ رہیں گے اور جنہیں ایسا گرم پانی پلایا جائے گا جو ان کی آنتیں تک کاٹ دے گا ۔
جس جنت کا پرہیزگاروں سے وعدہ کیا جاتا ہے اس کی صفت ( یہ ہے کہ ) اس میں ایسے پانی کی نہریں ہیں جس کا بو اور مزا کبھی خراب نہ ہوگا ، اور ایسے دودھ کی نہریں ہیں جس کا ذائقہ کبھی تبدیل نہ ہوگا ، اور ایسی شراب کی نہریں ہیں جو پینے والوں کے لیے لذت ( ہی لذت ) ہے اور صاف ستھرے شہد کی نہریں ہیں ، اور اس ( جنت ) میں ان ( جنتیوں ) کے لیے ہر قسم کے پھل ( میوے ) ہوں گے اور ان کے رب کی طرف سے بخشش ( ہوگی ) ( کیا یہ اہلِ جنت ) اس شخص کی ہوسکتے ہیں جو ہمیشہ جہنم میں رہے گا اور ان ( جہنمیوں ) کو کھولتا ہوا پانی پلایا جائے گا جو ان کی آنتیں کاٹ ڈالے گا
متقی لوگوں سے جس جنت کا وعدہ کیا گیا ہے ، اس کا حال یہ ہے کہ اس میں ایسے پانی کی نہریں ہیں جو خراب ہونے والا نہیں ، ایسے دودھ کی نہریں ہیں جس کا ذائقہ نہیں بدلے گا ، ایسی شراب کی نہریں ہیں جو پینے والوں کے لیے سراپا لذت ہوگی ، اور ایسے شہد کی نہریں ہیں جو نتھرا ہوا ہوگا ، اور ان جنتیوں کے لیے وہاں ہر قسم کے پھل ہوں گے ، اور ان کے پروردگار کی طرف سے مغفرت ! کیا یہ لوگ ان جیسے ہوسکتے ہیں جو ہمیشہ دوزخ میں رہیں گے ، اور انہیں گرم پانی پلایا جائے گا ، چنانچہ وہ ان کی آنتوں کو ٹکڑے ٹکڑے کردے گا؟
جس جنت کا اللہ سے ڈرنے والوں سے وعدہ کیا گیا ہے اس کی شان یہ ہے کہ اس میں کبھی خراب نہ ہونے والے پانی کی نہریں جاری ہیں اور دودھ کی نہریں ہیں جس کامزہ نہ بدلے گا اور شراب کی نہریں ہیںجو پینے والوں کے لیے لذیذہوں گی اور خالص شہدکی نہریں ہیں اور ان کے لئے اس میں ہرطرح کے پھل ہوں گے اور انہیں اپنے رب کی مغفرت ملے گی ، کیا یہ اہل جنت ان کے مانندہوں گے جو ہمیشہ کے لئے جہنم میں جلتے رہیں گے اور جنہیں پینے کو کھولتاہواپانی پلایاجائے گا جو ان کی آنتیں کاٹ دے؟
احوال اس جنت کا جس کا وعدہ پرہیزگاروں سے ہے ، اس میں ایسی پانی کی نہریں ہیں جو کبھی نہ بگڑے ( ف۳۳ ) اور ایسے دودھ کی نہریں ہیں جس کا مزہ نہ بدلا ( ف۳٤ ) اور ایسی شراب کی نہریں ہیں جس کے پینے میں لذت ہے ( ف۳۵ ) اور ایسی شہد کی نہریں ہیں جو صاف کیا گیا ( ف۳٦ ) اور ان کے لیے اس میں ہر قسم کے پھل ہیں ، اور اپنے رب کی مغفرت ( ف۳۷ ) کیا ایسے چین والے ان کی برابر ہوجائیں گے جنہیں ہمیشہ آگ میں رہنا اور انہیں کھولتا پانی پلایا جائے گا کہ آنتوں کے ٹکڑے ٹکڑے کردے ،
جس جنّت کا پرہیزگاروں سے وعدہ کیا گیا ہے اس کی صفت یہ ہے کہ اس میں ( ایسے ) پانی کی نہریں ہوں گی جس میں کبھی ( بو یا رنگت کا ) تغیّر نہ آئے گا ، اور ( اس میں ایسے ) دودھ کی نہریں ہوں گی جس کا ذائقہ اور مزہ کبھی نہ بدلے گا ، اور ( ایسے ) شرابِ ( طہور ) کی نہریں ہوں گی جو پینے والوں کے لئے سراسر لذّت ہے ، اور خوب صاف کئے ہوئے شہد کی نہریں ہوں گی ، اور ان کے لئے اس میں ہر قسم کے پھل ہوں گے اور ان کے رب کی جانب سے ( ہر طرح کی ) بخشائش ہوگی ، ( کیا یہ پرہیزگار ) ان لوگوں کی طرح ہو سکتا ہے جو ہمیشہ دوزخ میں رہنے والے ہیں اور جنہیں کھولتا ہوا پانی پلایا جائے گا تو وہ ان کی آنتوں کو کاٹ کر ٹکڑے ٹکڑے کر دے گا
